Categorías:
O martes 11 de marzo de 2025, representantes do Colexio Oficial de Graduados Sociais da Coruña e Ourense desprazáronse a Santiago de Compostela para reunirse co secretario xeral de Emprego e Relacións Laborais, Pablo Fernández López, e co director xeral de Xustiza da Consellería de Presidencia, Xustiza e Deportes, José Tronchoni Albert.
Durante o encontro, presentouse a próxima edición das II Xornadas Laboralistas, co obxectivo de establecer novas liñas de colaboración entre ambas as institucións. Así mesmo, destacouse o labor do Colexio e os servizos que ofrece tanto a profesionais como á cidadanía.
En representación do Colexio, asistiron o presidente, José Lage Cerviño; o vicepresidente 1º, David Doldán Palacios; e o secretario, Celestino Vieites Sánchez, quen fixo entrega de senllas figuras conmemorativas do Centenario da profesión como mostra de recoñecemento ao compromiso e a colaboración institucional.
