Etiquetas:
O mércores 26 de marzo, nas instalacións do Colexio, formalizouse un acordo de colaboración entre o Colexio Oficial de Graduados Sociais da Coruña e Ourense e o Grupo LAE EMPRESAS. A firma do convenio contou coa presenza do presidente do Colexio, José Lage Cerviño, e o director territorial do Grupo LAE, Pedro Corujo Meneses. Tamén estiveron presentes o secretario do Colexio, Celestino Vieites Sánchez, e Jacobo Pouso, consultor de empresas do Grupo LAE en Galicia.
Grazas a esta colaboración, os colexiados poderán acceder a recursos e asistencia especializada en materias crave como protección de datos, igualdade, canle de denuncias e compliance penal, entre outras áreas normativas.
O Grupo LAE EMPRESAS, consultora xurídica con ampla experiencia na implantación de normativas legais obrigatorias, achegará o seu equipo multidisciplinar de expertos para proporcionar solucións adaptadas ás necesidades reais de cada organización.
Ademais, o convenio contempla o acceso á súa división de formación, co fin de reforzar a actualización de coñecementos e fomentar a especialización dos colexiados, contribuíndo así a mellorar a competitividade do sector.
Con esta alianza, ambas as entidades reforzan o seu compromiso coa seguridade xurídica e a excelencia profesional, apostando por un asesoramento rigoroso, actualizado e enfocado na prevención. Os colexiados interesados poden consultar o texto completo do acordo na sección "Acordos e Convenios" da nosa páxina web.
[slide]
[/slide]