Categorías:
Na mañá do 16 de abril de 2026, tivo lugar na sede do Colexio a firma dun acordo de colaboración coa entidade aseguradora Nova Mutua Sanitaria, compañía especializada en seguros de saúde con máis de 60 anos de experiencia no sector e unha ampla rede de profesionais e centros médicos en toda España.
O acto de firma contou coa presenza, por parte da entidade aseguradora, de José Luis Penas, Delegado Territorial Noroeste, e de Alejandro Iglesias, Executivo Comercial. En representación do Colexio asistiron José Lage Cerviño, Presidente; David Doldán Palacios, Vicepresidente Primeiro; e Celestino Vieites Sánchez, Secretario.
Este acordo ten como obxectivo impulsar a promoción dos produtos de Nova Mutua Sanitaria entre os colexiados do Colexio, facilitando a contratación individual de pólizas que poderán estenderse aos membros das súas familias e aos empregados dos despachos. Así mesmo, o convenio contempla condicións de subscrición vantaxosas, cunha prima individual bonificada, o que supón un beneficio engadido para os colexiados interesados en acceder a servizos de saúde de calidade en condicións preferentes.
[slide]
[/slide]