Categorías:
Córdoba converteuse os pasados 25 e 26 de setembro no epicentro do debate xurídico e profesional coa celebración de dúas citas históricas para a profesión: a XV Asemblea Nacional de Xuntas de Goberno de Graduados Sociais de España e o I Congreso Internacional de Dereito do Traballo, enmarcados nos actos do Centenario da Profesión de Graduado Social.
En representación do Colexio Oficial de Graduados Sociais da Coruña e Ourense asistiron o presidente José Lage Cerviño, a vicepresidenta segunda Noelia Tomé Martínez, o secretario Celestino Vieites Sánchez, o vicesecretario Juan Martínez García e o interventor-contador José Manuel Vázquez Regueira, quen participou activamente en sesións de traballo, relatorios e debates.
A Asemblea abordou temas clave para o futuro da profesión, como a relación coa Administración, a evolución da Xustiza e a comunicación corporativa. O Congreso reuniu a maxistrados do Tribunal Constitucional e Supremo, expertos europeos, representantes da OIT e delegacións internacionais da World Association of Labor Professions (WALP).
Durante as xornadas analizáronse cuestións de máxima actualidade, entre elas a tutela dos dereitos fundamentais no ámbito laboral, a Carta Social Europea, as últimas novidades xurisprudenciais e os convenios internacionais da OIT.
Os representantes do Colexio destacaron o seu orgullo por participar nesta cita, que fortaleceu a unión dos Graduados Sociais e proxectou o labor da profesión a nivel internacional.
[slide]
[/slide]