Categorías:
Os días 23 e 24 de abril celebramos as nosas tradicionais xornadas sobre a "Declaración da Renda", en modalidades presencial e en liña, co obxectivo de ofrecer un espazo de aprendizaxe e actualización sobre as novidades fiscais do ano.
O evento foi presentado e moderado por Lucía Sanjurjo López, tesoureira do Colexio, quen deu paso ao relatorio principal a cargo de Mª Remedios Vázquez Gil, graduada social colexiada e xestora da Sección de Renda, Unidade de Comprobación e Liquidación da AEAT en Santiago de Compostela.
Ao longo de máis de oito horas formativas, distribuídas en dúas intensas xornadas, máis de medio centenar de profesionais do ámbito xurídico e fiscal tiveron a oportunidade de profundar nos aspectos máis relevantes do IRPF 2024. A formación combinou análises teóricas con casos prácticos, abordando os novos criterios interpretativos, a xurisprudencia aplicable e ofrecendo ferramentas útiles para a correcta xestión e aplicación dos recentes cambios normativos.
