Categorías:
Etiquetas:
A Coruña, 3 de outubro de 2025. O presidente do Colexio Oficial de Graduados Sociais da Coruña e Ourense, José Lage Cerviño, asistiu ao acto académico celebrado pola Universidade da Coruña (UDC) con motivo da investidura da catedrática de Dereito María Emilia Casas Baamonde como Doutora Honoris Causa.
A cerimonia, presidida polo reitor Ricardo Cao e apadriñada polo catedrático Jesús F. Martínez Girón, reuniu a destacadas personalidades do ámbito académico e xurídico. Durante a súa intervención, María Emilia Casas, primeira muller en presidir o Tribunal Constitucional e en acceder a unha cátedra de Dereito do Traballo en España, reivindicou o papel de Europa como referente do pluralismo político e xurídico e defendeu a universalidade dos dereitos humanos.
Con esta distinción, a profesora Casas convértese na 31.ª Doutora Honoris Causa da UDC, recoñecemento á súa brillante traxectoria e compromiso coa igualdade, a xustiza e a liberdade.
[slide]
[/slide]