Categorías:
Etiquetas:
Na tarde do 2 de xullo, celebrouse no Pazo de Mariñán a inauguración da XXVI Escola de Verán do Poder Xudicial, á cal asistiron, en representación deste Colexio Profesional, José Lage Cerviño, presidente, e Noelia Tomé Martínez, vicepresidenta 2ª.
O evento foi inaugurado polo presidente do Consello Xeral do Poder Xudicial, Vicente Guilarte, quen no seu discurso subliñou a importancia de que o novo Consello continúe defendendo "con afán" a independencia xudicial.
Na apertura do curso, que contou coa presenza de xuíces e xuízas de toda España, tamén participaron o presidente da Xunta de Galicia, Alfonso Rueda, e o presidente da Deputación provincial da Coruña, Valentín González Formoso.
Así mesmo, o acto contou coa asistencia do presidente do Tribunal Superior de Xustiza de Galicia, José María Gómez y Díaz-Castroverde, así como de vogais do Consello Xeral do Poder Xudicial e membros da Sala de Goberno do TSXG, entre outras autoridades xudiciais, civís e militares.
[slide]
[/slide]
