Categorías:
A Coruña, 5 de agosto de 2025. O presidente do Colexio Oficial de Graduados Sociais da Coruña e Ourense, José Lage Cerviño, participou no programa “Galicia Informativos” de RNE, con Víctor Alvariño, para alertar sobre o colapso xerado polas novas plataformas de notificacións electrónicas da Seguridade Social.
Durante a súa intervención, denunciou que se están recibindo miles de comunicacións duplicadas ou triplicadas a través de sistemas como NOTES e DEHú, mesmo por xestións rutineiras como altas e baixas de traballadores. Esta sobrecarga, advertiu, dificulta a atención ao cliente, altera o funcionamento normal dos despachos e vulnera o dereito á desconexión dixital dos graduados sociais.
