Categorías:
Etiquetas:
Na tarde do pasado 19 de xuño tivo lugar, no Salón de Actos Concepción Arenal do Campus de Ferrol, o acto académico de despedida da XVI Promoción do Grao en Relacións Laborais e Recursos Humanos, a XVII Promoción do Máster en Xestión e Dirección Laboral e a XV Promoción do Máster en Prevención de Riscos Laborais e Riscos Comúns.
O acto estivo presidido polo decano da Facultade de Ciencias do Traballo, Moisés Alberto García Núñez, e contou coas intervencións dos representantes do alumnado, así como dos padriños e madriñas das distintas promocións.
En representación do Colexio Oficial de Graduados Sociais da Coruña e Ourense asistiron Noelia Tomé Martínez, vicepresidenta segunda da Xunta de Gobierno, e Francisco Camino Guntín, vogal ejerciente, quen acompañou aos novos titulados nunha xornada de recoñecemento ao esforzo, a dedicación e o compromiso demostrados ao longo da súa formación universitaria.
[slide]
[/slide]
Durante a cerimonia tamén se fixo entrega do Premio "Cipriano Dobarro" á alumna Nuria Mahía Escudero, en recoñecemento á súa excelente traxectoria académica e humana e ao seu exemplar paso pola Facultade de Ciencias do Traballo de Ferrol.
Desde o Colexio felicitamos a todos os egresados pola culminación desta importante etapa académica e desexámoslles o maior dos éxitos no seu futuro profesional, convencidos de que desempeñarán o seu labor co rigor, a responsabilidade e o compromiso que distinguen á profesión de Graduado Social.
[slide]
[/slide]