Categorías:
O 17 de maio, Galicia celebra o Día das Letras Galegas, que neste 2026 estará dedicado á escritora e xornalista Begoña Caamaño, recoñecida pola súa contribución á literatura galega contemporánea e polo seu firme compromiso coa lingua, a cultura e a visibilización das mulleres.
Autora de obras destacadas como Morgana en Esmelle ou Circe ou o pracer do azul, Begoña Caamaño converteuse nunha voz fundamental da narrativa galega actual, achegando unha mirada innovadora e reivindicativa desde a reinterpretación de figuras femininas da literatura clásica.
A súa traxectoria profesional no ámbito do xornalismo e da comunicación pública tamén deixou unha importante pegada na defensa da cultura galega e na promoción do pensamento crítico e da igualdade.
Desde o Colexio Oficial de Graduados Sociais da Coruña e Ourense, sumámonos con orgullo a esta celebración das nosas letras e da nosa identidade cultural, rendendo homenaxe ao legado dunha autora imprescindible da literatura galega.
