Categorías:
Etiquetas:
Na mañá do 26 de outubro e no Hotel Attica desta cidade, a Fundación Inade desenvolveu un dos seus habituais almorzos de traballo, esta vez sobre "A fiscalidade do seguro de saúde na retribución flexible en Galicia".
Atendendo á petición da Fundación, na que solicitaban a colaboración do Colexio para presentar a xornada, acudiu na nosa representación D. Jesús Vázquez Conde, Vicesecretario desta corporación, que despois de dar a benvida aos númerosos invitados, aproveitou para facer un breve repaso pola historia do Colexio e destacar as principais funcións profesionais que desempeñan os Graduados Sociais ante a sociedade.
Posteriormente, cedería a palabra ao relator da xornada D. José María Soriano Bañón, Licenciado en Ciencias Económicas e Empresariais pola Universidade Complutense de Madrid, na especialidade de Auditoria e Director Financeiro e de Recursos Humanos de Asefa Seguros, que ao longo da súa intervención explicou as vantaxes fiscais do seguro de saúde, destacando que se trata dunha ferramenta moi útil que incrementa a retribución neta dos traballadores, sen que iso supoña custo algún para o empresario.
[slide][/slide]