O 29 de marzo, celebrouse no salón de actos do Colexio a nosa Xunta Xeral Ordinaria.
Iníciase o acto co saúdo da presidenta, Susana Soneira Lema, aos asistentes, dando inicio á Asemblea e cedendo a palabra ao Secretario Xeral, Miguel Ángel Domínguez Losada, que procedeu á lectura da acta e á presentación do borrador da memoria anual 2022.
Continua a Orde do Día, coa presentación das contas do exercicio anterior e o orzamento para o ano 2023 por parte do Tesoureiro, Cándido Sanisidro López.
Seguidamente, toma a palabra a Presidenta para expoñer os actos e o desenvolvemento do Colexio durante o exercicio 2022 e informar, así mesmo, da situación na que se atopan as xestións realizadas en prol dos intereses dos colexiados.