Etiquetas:
Na tarde do 08 de xullo, e atendendo á convocatoria cursada para o efecto, celebrouse no Hotel Praza da Coruña, co fin de dar cumprimento ás medidas de hixiene e prevención para facer fronte ao Covid-19, a nosa Asemblea Xeral Anual.
D. Alejandro Pérez Otero, Vicepresidente 1º e Secretario do Colexio, saudou aos asistentes e deu inicio á Asemblea, cedendo a palabra ao Vicepresidente 2º e Vicecretario Xeral, D. José Ramón Lage Cerviño, que procedeu á lectura das actas e á presentación do borrador da memoria anual 2019, puntos que foron aprobados por unanimidade dos asistentes.
Continuando coa Orde do Día, o Tesoureiro, D. Cándido Sanisidro López, presenta as contas do exercicio anterior, así como o orzamento para o ano 2020, que tamén son aprobados.
Toma de novo a palabra o Vicepresidente 1º, para expoñer as actuacións que está a desenvolver o Colexio en defensa dos intereses colexiais e expor as proposicións da Xunta de Goberno aos asistentes, que tamén son aprobadas por unanimidade.
Finaliza o acto coa toma de posesión de Dª Susana Soneira Lema, como nova Presidenta do Colexio.
[slide][/slide]