Categorías:
Como vén sendo habitual por estas datas, durante a tarde do 18 de decembro, a nosa Escola de Práctica Laboral organizou a última webinar formativa do ano, que versou sobre: “O peche de exercicio 2023. Cuestións contables e tributarias na PEME”.
A xornada foi presentada por Noelia Tomé Martínez, Interventora-Contadora do Colexio, que tras dar a benvida aos asistentes, cedeu a palabra ao relator, Fernando Ruiz Lamas, Doutor en Ciencias Económicas e Empresariais, profesor titular de Economía Financeira e Contabilidade da Universidade da Coruña e membro da Asociación Española de Contabilidade e Administración de Empresas e da Asociación Española de Profesores Universitarios de Contabilidade, que durante tres horas explicou as novidades contables, fiscais e de auditoría máis controvertidas.
