Na liña de servizos que ofrece o Colexio aos seus colexiados, a formación continua ocupa un lugar destacado, por iso na tarde do 21 de outubro, celebramos unha xornada telemática sobre “Cuestións de actualidade laboral: ERTES e SMI”; onde se debullou o acordo entre Goberno e Axentes Sociais para a extensión dos expedientes de regulación temporal de emprego ata o próximo 28 de febreiro de 2022 e a recente subida do salario mínimo interprofesional.
Tras a apertura da xornada pola Presidenta do Colexio, Susana Soneira Lema, actuando como moderador o Coordinador da Escola de Práctica Laboral, Guillermo Hermida Grandío, cedeuse a palabra ao relator, Javier Fernández Travieso, Inspector de Traballo da Coruña.
