Categorías:
Etiquetas:
O pasado venres 29 de novembro, o Ilustre Colexio Oficial de Graduados Sociais de Pontevedra celebrou no Salón de Actos da Confederación de Empresarios de Pontevedra, os Solemnes Actos Institucionais de 2019:
- Acto de Xura/Promesa dos novos colexiados e colexiadas
- Entrega de distincións en recoñecemento aos 25 anos de colexiación
- Entrega de coderas en recoñecemento aos tres mellores expedientes académicos do Grao en Relacións Laborais e Recursos Humanos da promoción 2019 da Facultade de Ciencias Xurídicas e do Traballo da Universidade de Vigo.
[slide][/slide]
Asistiron en representación desta Corporación, a Presidenta, Dª Susana Soneira Lema, o Vicepresidente 1º e Secretario Xeral, D. Alejandro Pérez Otero e o Tesoureiro, D. Cándido Sanisidro López.
A mesa presidencial estivo constituída pola Vicepresidenta do Colexio Oficial de Graduados Sociais de Pontevedra, Dª. Mercedes Vexa Vázquez; o Presidente de Honra do Colexio de Graduados Sociais de Pontevedra, D. Eliseo-Adolfo Sobrino Ríos, padriño da promoción; o Decano da Facultade de Ciencias Xurídicas e do Traballo da Universidade de Vigo, D. Francisco José Torres Pérez; o Presidente do Colexio de Graduados Sociais de Pontevedra, D. Raúl Eugenio Gómez Villaverde e o Presidente da Audiencia Provincial de Pontevedra, D. Francisco Javier Menéndez Estébanez.
Un total de nove recentemente colexiados e colexiadas incorporáronse a esta Corporación Colexial prestando Xura ou Promesa aos estatutos e normas deontolóxicas, tal e como establece o artigo 23 do Real Decreto 1415/2006 do un de decembro.
A continuación, entregáronse as distincións colexiais aos compañeiros e compañeiras que cumpriron os 25 anos de exercicio profesional e as Coderas de Bronce, Prata e Ouro como distinción especial aos recentemente titulados do Grao en Relacións Laborais e Recursos Humanos da Universidade de Vigo, que se distinguiron polo seu expediente académico na promoción de 2019. Posteriormente celebrouse unha cea de confraternidade no Círculo de Empresarios de Galicia en Vigo.