Categorías:
Etiquetas:
Na mañá do 05 de outubro, a sede do Tribunal Superior de Xustiza (TSXG), acolleu a cerimonia de "Apertura do ano xudicial 2018".
Durante o acto, o Presidente do Tribunal Superior de Xustiza de Galicia, D. Miguel Ángel Cadenas Sobreira, destacou que o exercicio estará marcado pola renovación do Consello Xeral do Poder Xudicial, que no mes de decembro finalizará o seu mandato, e pola repercusión nos órganos xudiciais galegos da folga convocada polos funcionarios a principios deste ano.
O Presidente incidiu tamén, na importancia da independencia dos membros da carreira xudicial como alicerce básico da democracia. “Nun país democrático e nun Estado de dereito como o noso, os membros da carreira xudicial, no exercicio da súa función propia, han de atopar as imprescindibles garantías de indemnidad, a necesaria salvaguardia fronte a calquera inxerencias ou ataques, bastos ou sutís, á súa independencia”, sinalou, á vez que aseverou: “O certo é que sen esta independencia non pode haber unha xustiza democrática; en realidade, sen ela non pode haber democracia e, se seica, haberá moi pouca Xustiza”.
Ao acto e en representación do noso Colexio Profesional, acudiron Dª Susana Soneira Lema e D. José Ramón Lage Cerviño, Presidenta e Coordinador da Comisión de Relacións Públicas da Xunta de Goberno, respectivamente. Tamén acudiron numerosas autoridades como: o Delegado do Goberno, D. Javier Losada; a Subdelegada, Dª Pilar López- Riobóo; o Reitor da Universidade, D. Julio Abalde; o Conselleiro de Presidencia, D. Alfonso Rueda e o Alcalde da Coruña, D. Xulio Ferreiro, entre outros moitos.
[slide]
[/slide]